Direksyon Jeneral Ògann Egzekitif Konsèy Nasyonal Telekominikasyon (KONATEL) ap enfòme tout popilasyon an, nan respè règ administrativ yo, li pap kapab resevwa okenn dosye Sibvansyon lajan ki pa gen anyen pou wè ak sa lalwa ak leta bay enstitisyon an fè an e ki pap kontribiye ak devlopman Telekominikasyon ak Teknoloji Enfòmasyon ak Telekominikasyon nan peyi a.

Direksyon Jeneral KONATEL espere ke sila ki gen KONATEL nan pwogram yo pou zafè sibvansyon gade ki lòt enstitisyon pouvwa piblik ki plase pou sa, an fonksyon misyon ak mwayen yo dispoze. KONATEL toujou swete travay pi douvan ak tout òganizasyon, asosiyasyon, moun ou biznis sou yon seri pwojè ki gen kòm objektif pou kore telekominikasyon ak TIC nan sèvis devlòpman moun nan peyi dayiti. Se poutèt sa KONATEL ap kreye espas sou sit entènèt li www.conatel.gouv.ht pou devlope anpil opòtinite pou divès kategori moun.

Jean David RODNEY

Direktè Jeneral